Baganda | |
---|---|
'n Muganda met 'n tradisionele musiekinstrument | |
Totale bevolking: | 6 270 195 (2015)[1] |
Belangrike bevolkings in: | ![]() |
Taal: | Luganda, Swahili, Engels |
Geloofsoortuiging: | Christendom, Tradisionele Afrika-godsdiens, Islam |
Verwante etniese groepe: | Ander Bantoevolke |
Die Baganda, Waganda of Ganda (endoniem: Baganda; eenvoud: Muganda) is 'n Bantoe-etniese groep inheems aan die subnasionale Koninkryk Buganda in Uganda. Hulle vorm die grootste etniese groep in Uganda met sowat 16,5% van dié land se bevolking. Hulle praat Luganda, 'n Bantoetaal binne die Niger-Kongo-taalfamilie, as moedertaal, maar ook Swahili en Engels, die twee amptelike tale van Uganda, as lingua franca.
Hul tradisionele Koninkryk Buganda is in die sentrum van Uganda aan die noordelike oewer van die Victoriameer geleë en is die grootste van die vyf subnasionale koninkryke binne Uganda. Die koninkryk streek oor Uganda se sentrale streek insluitende die hoofstad Kampala. Die Baganda is tradisioneel onder die gesag van twee konings: een spirituele en een materiële. Die land Uganda is na die Koninkryk Buganda genoem.
© MMXXIII Rich X Search. We shall prevail. All rights reserved. Rich X Search